广东各地方言(黄俊英、李艳玲)
发布网友
发布时间：2022-05-30 06:14
共3个回答
热心网友
时间：2023-10-12 05:44
H 唉
L 今晚我觉得真系好开心，因为我哋能够同肇庆市嘅朋友一齐共度呢个中秋佳节，真系好高兴、好欢喜
H 敢系啊！我地从广州来到肇庆，同肇庆人民一齐共度佳节，我觉得好开心架
L 系呀
H 啊李艳玲，我发觉嗱，今晚响肇庆市望上去个月光特别亮、特别圆、又特别光D
L 哦，肇庆市嘅月亮特别亮特别光，系嘛？
H 系啊，你睇嗱
L 喂~冇理由喎，度度都一样嗰喔
H ~~冇，冇理由，你睇，望上去就零舍光D嘛，照落来我成个人后生嗮，你地睇系嘛？零舍唔同
L 我明白啦！你黄俊英梗系肇庆市人
H 系啊
L 所以觉得呢度嘅月光零舍亮咯
H 又会敢嘅
L 开讲都有话啦“月是故乡圆”啊嘛
H 哦系哦，嗱，谂都谂得到啦。敢啊系嗱，嗱敢嘞，今晚就系中秋佳节啦，~人月两团圆啦
L 冇错
H 敢啊你来到肇庆，有乜嘢节目呢就贡献俾大家先
L 讲相声啊
H 哦…乜…讲相声？你都会讲相声嘅咩
L 哦，讲相声就好巴闭嘅咩？有乜嘢就冚巴唥噏嗮出来米系啰呵？
H 哦，有乜嘢就冚巴唥噏嗮出来就系讲相声，就敢简单？
L 哦，照你敢讲唔简单嘅，系咪？哈，有番D学问架佢
H 梗系啦…咩？有番D学问呀？有好多学问
L 好多，呵呵
H 我觉得我地讲相声，相声嘅语言一定要精炼、简明扼要、唔可以啰唆
L 哦，相声嘅语言要精炼、简明扼要、唔可以啰唆
H 对嘞，唔单止敢样。我地要求今晚讲相声，一定要用纯正嘅广州话
L 哎~黄俊英，我地讲粤语相声梗系用纯正广州话啦，唔通用纯正新疆话咩，呵？
H 嗱，你唔知嘞，我地祖国呢系个多民族嘅国家
L 系
H 我地嘅语言非常之丰富多彩
L 没错
H 你冇睇其他语言，就算我地广东省都有好多种地方语言，系唔系先？
L 系啊，我地广东各地嘅语言不单止丰富啊，而且各有特色，度度都唔同。
H 潮州有潮州话
L 对嘞，有种系“潮州话”嘅
H 梅县有客家话
L 仲有客家话
H 湛江有雷州话
L 雷州话
H ~电白水东有一种叫做黎话
L 水东有黎话，
H 番到阳江有阳江话
L 阳江话
H 东莞有东莞话
L 东莞
H 中山有石岐话
L 石歧，
H ~仲有珠江三角洲，比如南海呀、番禺呀……
L 果D系南番顺话，
H 系嘞，南番顺啦。侨乡，有新会啊、台山啊、开平……
L 果D叫做四邑话啦，系咪
H 系嘞，四邑话。
L 啊喂喂，黄俊英啊，你随口都讲得出敢多种广东嘅方言，你可不可以举D例俾D朋友听下啊
H 哦，你想举D例，可以。那我随便讲句哈，比如大家日常讲嘅“你食饭未”尼四个字
L 哦，就“你食饭未”尼几个字
H 广州话就“你食饭未”。
L 好啦，我想知下湛江嗰边D雷州话系点嘅。
H 呃……边度啊？
L 你咪话湛江有雷州话嘅
H 雷州话
L 系
H 好，你听住啊，雷州话“你食饭未”……雷州系咪啊
L 到底识唔识
H 唔系唔识啊。我识D话多过头，我惊住捞捞乱咋嘛。又雷州、又杭州、又苏州、又柳州、又郑州，好多州啊嘛？我惊一讲讲上去澳洲
L哦，你都识
H~~~你系唔系雷州先？
L系
H好，雷州“你食饭未”你听住啊“罗只gui2mé6？”
L系唔系真嘅
H啊~乜梗系真啦，“系唔系真嘅”
L哦，“lu4只gui2未”就系雷州话
H哎，雷州话
L敢电白水东黎话呢
H黎话“你食饭未”佢唔使噏四个字，佢两个字就搞掂嗰嘞
L系咩
H你听住啊，“只梅”
L又几简单嗰喔
H嗯，好悭皮嗰，两个字就搞掂嘞，“只梅”
L水东黎话系敢嘅，敢阳江话又点
H阳江话……“ni4hed1凡mei1”！
L麽D音敢高嘅呢哈？
H佢一飙飙上16楼，“ni4hed1凡mei1”！
L呃哈，阳江话系敢！中山石歧话又点啊？
H石岐话同阳江话就啱啱相反，佢由16楼跌番落来地下，你听着啊……“ni4yɑg1饭mi4？”
L啊，又真系好低音嗰喔
H一个就系“hed1凡mei1”，一个系“yɑg1饭mi4”
L相差好远啊
H相差啱啱16层楼。
L好似数过敢
H冇多冇少
L好嘞黄俊英，我想问东莞话嘞
H东莞话“你”不叫[néi5]，
L叫咩？
H佢叫“礼”
L哦，“你”就变成“礼貌”个“lei5”啦，敢“食”呢？
H“食”就系“sɑg6”，
L哦，“sɑg6”。仲有个“饭”呢？
H“饭”就“fiéng6”，
L“fiéng6”敢啊？感“未”呢？
H“未”就“吴层”
L“吴层”感啊？
H“你食饭未啊”“礼sɑg6fiéng6吴层”
L啊，又几有趣喔！
H好有特色系嘛？
L系啊系啊
H东莞话就好听系嘛
L尼D系东莞话，敢四邑话又点啊？
H四邑话就“尼hég1饭未o2？” “尼hég1饭未o2？”
L哦，尼D系四邑话哦。顺德话呢？
H哎~顺德话好听啊，好似唱歌感唱架，你听住啊，“你识饭吴层啊”
L又几有音乐性喔
H“你识饭吴层啊”，如果译成简谱啊“1236111”。
L旋律都好靓喔
H好靓啊
L系咯。黄俊英，敢客家话呢？
H客家话就“ni4sid1翻嫲？”
L潮州话呢
H潮州话仲过瘾啊，“leg1zég6bung6梅？”
L好彩你讲清楚头先所说感多句就等于广州话“你食饭未”如果你冇讲清楚，我相信在座好多朋友，唔知你噏乜
H唔知噏乜~，所以地方语言好有特色系嘛？
L系啊
H仲有一种，仲有特色嘅，好特别啊。
L边度嘅地方语言？
H珠江三角洲有一种语言，
L系唔系好有趣先？
H好有趣噶
L你可不可以举D例
H比如“灯光”佢唔叫[deng1guong1]，
L叫乜嘢
H佢叫“灯guêng1”
L哦，“灯光”叫做“灯guêng1”啊？敢“健康”呢？
H“健香”
L“帮帮忙”呢？
H唔该你“帮帮mêng4”
L买包“芝麻糖”感呢？
H买包“mɑ3deo3dêng2”
L哎呀又好有特点窝
H好有特点系嘛
L呃呃呃
H我有次打电话，撞啱有个人就系用尼D话来打电话嘅
L哦，敢你学来听下得唔得？
H学来听下
L好！
H好，你听住啊
H喂，喂，喂！点解唔响？哦，原来调转讲。喂喂，系唔系契娘？哦，呀契娘呀契娘，我有件事想同你讲一讲，我今朝早从大良上均安，上到均安刚刚系两点两，我落车走去国光影相铺影番张相。敢就话，师傅呀师傅，唔该你抓好D个镜头，千奇唔好影得我敢攞相呀。点知个师傅就话“敢就很难说啰，你唔照下自己个样，啊D眼尾都放光芒！”有DA LA（疤痕）都要影架，影完相出门口走去探啊伯娘，买D生果，准备买吕宋香芒。行下行下行到条横街窄巷，撞岩班细路系度玩打仗，用支*怼住我叫我举手投降，当堂吓到我失失慌，啊~！好衰唔衰跌啊包麻豆糖。
热心网友
时间：2023-10-12 05:44
http://www.gougou.com/search?search=%E9%BB%84%E4%BF%8A%E8%8B%B1%E3%80%81%E6%9D%8E%E8%89%B3%E7%8E%B2&restype=-1&id=10000000&ty=0&pattern=0
在线看...
http://video.baidu.com/v?word=%BB%C6%BF%A1%D3%A2%A1%A2%C0%EE%D1%DE%C1%E1&ct=301989888&rn=20&pn=0&db=0&s=0&fbl=1024
热心网友
时间：2023-10-12 05:45
